Qazaqstan – Eýropa men Azııa arasyn baılanystyratyn altyn kópir - Emmanıýel Makron
Frantsııa prezıdenti qazaq-frantsýz bıznes-forýmynyń ashylýyna qatysyp, sóz sóıledi, dep habarlaıdy Kazinform Aqordaǵa silteme jasap.
Emmanıýel Makron óz sózinde Qazaqstannyń 2060 jylǵa qaraı kómirtegi beıtaraptyǵyna qol jetkizý jónindegi maqsatyn joǵary baǵalady. Sondaı-aq Qazaqstannyń bul baǵyttaǵy bastamalaryn qoldaıtynyn jetkizdi.
▪️ Onyń aıtýynsha, Qazaqstan – Eýropa men Azııa arasyn baılanystyratyn altyn kópir. Frantsııa prezıdenti seriktestikti kólik baǵyttary, eń aldymen «Orta dáliz» arqyly damytý mańyzdy dep sanaıdy.
▪️ Emmanıýel Makron Frantsııanyń atalǵan kólik magıstralin órkendetýge úlesin qosýǵa daıyn ekenin tilge tıek etti.
▪️ Frantsııa basshysy azyq-túlik qaýipsizdigin qamtamasyz etý úshin aýyl sharýashylyǵy salasyndaǵy yntymaqtastyqtyń perspektıvasyn zor dep baǵalady.
Ol sóz sońynda ózara múddeni kózdeıtin kóptegen saladaǵy yqpaldastyqty odan ári nyǵaıtýǵa daıyn ekenin rastaǵany úshin Qasym-Jomart Toqaevqa alǵys aıtty.
