Italııanyń Kanale Monterano qalasynda ǵımarat opyrylyp tústi

Rımnen 70 shaqyrym jerdegi Kanale Monterano qalasynda senbi kúni tańerteń eki qabatty úı opyrylyp, qırandy astynan úsh adam shyǵaryldy, dep habarlaıdy Kazinform agenttiginiń menshikti tilshisi. 

Italıandyq BAQ-tyń habarlaýynsha, qutqarylǵandar erli-zaıyptylar men olardyń 18 jastaǵy uly. Olar jergilikti aýrýhanaǵa jetkizildi. Oqıǵa jergilikti ýaqyt boıynsha tańǵy saǵat 08.30-da bolǵan.

Tergeýshiler ǵımarattyń qulaýyna ne sebep bolǵanyn anyqtap jatyr. Bir nusqa – turmystyq gaz jarylysy. Aýmaqta gazdyń qatty ıisi shyqqany týraly kórshilerden habar túsken.