Italııalyqtar úkimettiń jańa basshysynyń maquldanýyn kútip otyr
BRıÝSSELЬ - RIM. QazAqparat - Ótken aptada Djýzeppe Konte Italııanyń premer-mınıstri qyzmetinen ketken soń ıtalııalyqtar úkimettiń jańa basshysynyń maquldaýyn kútýde, dep habarlaıdy «QazAqparat» HAA menshikti tilshisi.
Italııada premer-mınıstrler jıi aýysady. Sońǵy 75 jylda bul elde orta eseppen 14 aıda bir premer-mınıstr keledi eken. Áıtse de Konteniń qyzmetinen ketýi - ıtalııalyqtardyń kópshiligi úshin kútpegen jaǵdaı boldy. Sebebi saıasatker taıaýda ǵana zań shyǵarýshy organnyń eki palatasynyń da qoldaýyna ıe bolǵan edi.
Alaıda Italııanyń ekonomıkalyq jaǵdaıy qazir qıyn kezeńdi bastan keship jatyr. Ekonomıkanyń negizgi salalarynyń biri - týrızm pandemııa kezinde úlken shyǵynǵa ushyrady. 2020 jyly Italııa ekonomıkasy 9%-ǵa qysqardy. Jumyssyzdyq deńgeıi 10%-dy quraıdy. Jumyssyzdyq deńgeıi ásirese jastar arasynda joǵary bolyp tur.
Dj. Konte úkimeti otstavkaǵa ketkennen keıin Italııa prezıdenti Serjıo Mattarella óziniń konstıtýtsııalyq quqyǵyn paıdalanyp, osy qyzmetke ekonomıst ári Eýropalyq Ortalyq banktiń burynǵy prezıdenti Marıo Dragıdiń kandıdatýrasyn usyndy.
Bekitilgen tártipke sáıkes, Italııa premer-mınıstrin Respýblıka Prezıdenti taǵaıyndaıdy. Sodan keıin premer-mınıstr qyzmetinde qalý úshin ulttyq parlamenttiń senimine ıe bolýy kerek. Laýazymnyń ózi resmı túrde premer-mınıstr emes, Mınıstrler keńesiniń tóraǵasy dep atalady.
M.Dragı parlamenttegi depýtattardyń kópshiliginiń maquldaýyn alǵanǵa deıin Dj.Konteniń burynǵy úkimeti óz qyzmetinde qala beredi. Eger Italııada saıası partııalar M.Dragıdiń kandıdatýrasy jóninde ortaq mámilege kele almasa, onda prezıdent basqa kandıdat izdeýge májbúr bolady. Bul pandemııa kezinde jalpy alǵanda el basqarýyna keri áserin tıgizedi.
Sondyqtan Italııa prezıdenti S.Mattarella saıasatkerlerdi «dál qazir Italııany qutqarý úshin toptasýǵa» shaqyrdy.
Avtor: Arnur Rahymbekov
