Italııalyq meıirbıke ózine unamaǵan 38 naýqastyń túbine jetken
ASTANA. QazAqparat - Italııanyń Ravenna provıntsııasynyń Lýgo aýrýhanasynda meıirbıke bolyp qyzmet atqarǵan Danıela Podjıalıge 38 adamnyń ólimine sebepker boldy degen aıyp taǵylyp otyr, dep jazady RIA Novostı.
Tergeý 78 jastaǵy Roza Kalderonıdiń jeńil syrqatpen túsip, qaza tapqanynan keıin júrgizilgen. Podjıalı áriptesinen marqum bolǵan Rozanyń denesiniń qasynda turyp, ózin sýretke túsirýin ótingennen keıin kúdikke ilingen.
Basqa áriptesteri onyń óte kekshil ekendigin, oǵan unamaǵan naýqastardan ese qaıyrý úshin qandaı bolmasyn áreketke barýdan taısalmaıtynyn aıtady. Sondaı-aq, onyń jumys kezeginde naýqastar esh sebepsiz jıi óletin bolǵan.
Polıtsııanyń aıtýynsha, ol naýqastarǵa kalıı hlorıdin kóp mólsherde egý arqyly olardy óltirip otyrǵan.
