Italııalyq kompanııa Qyrymda sý tuşylaıtyn kásiporyn ashpaq
ASTANA. QazAqparat - Italııalyq kompanııa reseıliktermen birlesip, Qyrymda teńiz sýyn tazalap, tuşylaıtyn kásiporyn ashý múmkindigin qarastyrýda. Bul týraly ıtalııalyq saıasatkerler men kásipkerler delegatsııasynyń túbekke saparyn uıymdastyrǵan «ıAlta halyqaralyq ekonomıkalyq forýmy» qorynyń ókilderi habarlady, dep jazdy TASS.
«Qyrymda birlesken kásiporyn (BK) qurý máselesin talqylaǵym keledi», - dedi sý tazalaıtyn BRESCIA kompanııasynyń basshysy Fabıo Bosıo.
Qyrym kásipkerlerimen kezdesýde ol Qyrymǵa teńiz sýyn tuşylaý tehnologııalaryn usyna alatynyn málimdedi. Onyń jobasy boıynsha salynǵan sý tazalaý stantsııasy Qyrym túbegine elektr energııasyn, aýyz sý jáne egin sýarýǵa arnalǵan sý bere alady, dep jazdy qor.
«Bizdiń tehnologııa ınnovatsııalanǵan, sý tuşylaýdyń burynǵy ádisterine qaraǵanda kóp tabys ákeledi jáne aýyz sý men tehnıkalyq sý óndirýge patenttelgen», - dedi ıtalııalyq kásipker.
Reseı quramyna qosylǵan Qyrymǵa saparlap kelgen Italııa delegatsııasy iri saıasatkerler men Eýroodaq memleketteriniń kásipkerlerinen quralǵan.
