Italııalyq kásipkerler Qazaqstannyń ınvestıtsııalyq jobalarymen tanysty
ASTANA. QazAqparat - Dúnıejúzilik EHRO-2017 kórmesiniń korporatıvtik pavılonynda EHRO BtoBe bazasynda qazaqstandyq jáne ıtalııalyq bıznesmenderdiń kezdesýi ótti, dep habarlaıdy uıymdastyrýshylar.
Іskerlik orta ókilderiniń kezdesýine 60-qa jýyq kompanııa qyzmetkerleri qatysty. Lombardııa óńiriniń ıtalııalyq kompanııalary ózderiniń munaı-gaz, mehanıka, turmystyq tehnıka, kosmetologııa men farmatsııa, toqyma, ınterer dızaıny salalaryndaǵy jobalaryn tanystyrdy.
Qazaqstan ókilderi kezdesýde qurylys, munaı-gaz, atom, temirjol, farmatsevtıka, densaýlyq saqtaý, avıatsııa, meramhana jáne jıhaz salalaryndaǵy iri jáne shaǵyn jáne orta kompanııalaryn tanystyrdy.
V2V formatyndaǵy kelissózder barysynda eki eldiń kásipkerleri ózara yntymaqtastyqtyń odan arǵy qadamdaryn talqyǵa salyp, Qazaqstannyń ınvestıtsııalyq jobalarymen tanysty.
Lombardııa óńiriniń mınıstri Antonıo Rossıdiń aıtýynsha, Qazaqstan men Italııa bıznesmenderiniń ózara yqpaldastyǵy men olardyń bir-birimen yntymaqtastyqta qyzmet etýge degen umtylysy eki eldiń saýda-ekonomıkalyq qarym-qatynastaryn damytý áleýetiniń zor ekendigin kórsetti.
«B2B formatyndaǵy kezdesýler tek seriktester men ınvestorlar taýyp qana qoımaı, bıznesin álemdik talaptar negizinde damytqysy keletin kompanııalar úshin óte tıimdi»,-dedi Rossı óziniń sózinde.
