Italııalyq kásipkerler Almaty oblysyna keldi
TALDYQORǴAN.QazAqparat - Búgin Almaty oblysy ákiminiń birinshi orynbasary Lázzat Turlashov ıtalııalyq delegatsııamen kezdesti. Sheteldik qonaqtar óńir ekomıkasyna ınvestıtsııa quıýǵa nıetti, dep habarlaıdy QazAqparat tilshisi.
Kezdesýge kelgen Italııanyń 4 iri kompanııasynyń basshylary ózderiniń aınalysatyn salasy, óndirisi, baǵyt-baǵdary men josparlary týraly qysqasha baıandap ótti. Qoqys óńdeýmen, jańartylǵan energııa kózderin damytýmen, temir buıymdaryn shyǵaryp, qurylys júrgizýmen, jeńil ónerkásippen aınalysatyn atalmysh kompanııalar Almaty oblysynyń ınvestıtsııalyq múmkindikterine qyzyǵýshylyq tanytatyndaryn jetkizdi.
Kezdesý sońynda oblys ákiminiń birinshi orynbasary Turlashov Elbasynyń aldymyzǵa qoıyp otyrǵan aýqymdy mindetteriniń biri ınvestıtsııa tartý ekenin, oblys aýmaǵynda birqatar mańyzdy jobalardy iske asyrýǵa múddelilik tanytqan eýropalyq kásipkerlermen birlesip jumys isteýge daıyn ekendikterin aıta kele, resmı qonaqtardyń isterine sáttilik tiledi.
Júzdesýden keıin ıtalııalyq delegatsııa Kásipkerler palatasynda oblys jáne qala ákimdigi men memlekettik organdar ókilderiniń qatysýymen ótetin jıynǵa qatysady. Onda naqty jobalardy iske asyrý joldary talqylanady dep kútilýde. Sonymen qatar Taldyqorǵan qalasyndaǵy birqatar ónerkásip nysandaryn aralaıdy dep josparlanǵan.
