Italııalyq ınvestorlar Batys Qazaqstan oblysyna kelmek

Oblys ákiminiń baspasóz qyzmetinen túsken málimetke qaraǵanda, Elbasynyń respýblıkamyzǵa ınvestıtsııa tartý jónindegi tapsyrmasyna sáıkes uıymdastyrylǵan forýmǵa «QPO b.v.» kompanııasynyń jáne  ıtalııa-qazaq saýda palatasynyń ókilderi qatysty.

Sharaǵa  kelgen ınjı­nı­rıng pen munaıgaz salasyna qural-jab­dyq shyǵarýmen aınalysatyn ıtalııandyq iri kompanııalardyń bas­shylaryna Batys Qazaqstan ob­lysy ekonomıkasynyń negizgi salalary, ınvestıtsııalyq áleýe­ti, óńirdi munaıgaz klasterine ba­ǵyttalǵan mashına jasaý orta­lyǵyna aınaldyrý týrasyndaǵy is-sharalary  tanystyryldy.

-Memleket basshysy óz Joldaýynda aýyl sharýashylyǵy salasyn ekonomıkanyń draıveri­ne aınaldyrý qajettiligin aıtqan edi. Elimizdiń basqa óńirlerindegi sekildi bizde de bul sala jaqsy damyǵan. Tabıǵı, ekologııalyq ta­za ónimderdi shyǵarýǵa múmkindik mol. Sóıtip, elimizdiń batys aımaǵynyń agroónerkásip ónimde­rine degen suranysyn tolyǵy­men qanaǵattandyrýǵa bolady. Sonymen qatar EAEO men EO elderine de azyq-túlik eksportynyń kó­lemi jyl ótken saıyn artyp keledi. Bul baǵytta sheteldik ınvestorlar úshin túrli jeńildikter qa^­rastyrylǵanyn aıta ketkim ke­ledi. Sol sebepti ıtalııandyq ká­sip­kerlerdi osy salaǵa ınvestıtsııa salýǵa shaqyramyn. Jalpy, sheteldik kompanııalardyń ob­ly­symyzǵa ınvestıtsııa salýǵa qy­zy­ǵýshylyǵy zor. Oǵan kabeldi-sym­dy ónimder shyǵarýmen aına­lysatyn kásiporyn, jylyjaı sharýashylyǵynyń qurylysy, za­man talabyna saı keletin jańa qo­naqúı salý jobalary mysal bola alady. Reseıdiń bes birdeı gýbernııasymen shektesetin jáne je­del qarqynmen damyp kele jat­qan oblysymyzda basqa da túrli jobalar bar. Búgingi sharany paıdalanyp, siz­­derdi jáne sizder arqyly ózge de ıtalııandyq kásipkerlerdi El­or­damyzda ótip jatqan «EKSPO-2017» kórmesin tamashalaýǵa jáne Oral qa­lasynda dástúrli túrde bolatyn «WestKazInvest - 2017» forýmyna da shaqyrǵym keledi. Onda shetel­dik qonaqtarǵa otandyq kásipkerlermen kezdesip, ózara pikir almasý, jańa ónim túrlerin shy­ǵarý, birlesken kásiporyn qurý týrasynda kelisimmen ýaǵdalastyq júrgizýge barlyq jaǵdaı jasalady, - dedi Altaı Kólginov.

Jıyn barysynda Batys Qazaqstandaǵy ındýstrıaldy aımaqty damytý­ǵa ıtalııandyqtar  da óz úlesterin qosa alatyndary aıtyldy. «QPO  b.v.» kompanııasynyń qatysýymen júzege asyryp jatqan jobanyń óńirdi munaıgaz klasterine baǵyt­talǵan mashına jasaý ortalyǵyna aınaldyrýǵa qosar úlesi zor.

Forýmnan soń oblys ákimi ıta­lııandyq kompanııa basshylarymen jeke kezdesti. Sonyń nátıjesinde iri ınvestorlar oblystyń bıznes áleýetimen jan-jaqty tanysý úshin Aq Jaıyq óńirine arna­ıy  baratyndaryn  jetkizdi.

Aıta keteıik, 2016-2017 jyldary oblys ákimdiginiń qoldaýy­men memlekettik jáne salalyq baǵdarlamalar aıasynda otandyq óndiris oryndary jańǵyrtylyp, jańa kásiporyndar ashylýda. Olar­dyń ishinen Oral transformator zaýytyndaǵy álem­ge tanymal «AVV» markasyndaǵy elektr­qalqan qurylǵylarynyń, «Kondensat» AQ-da eko­lo­gııalyq klasty «Eýro-5» motor maıynyń jáne Oral saýda-óner­kásip kompanııasynyń óndiristik tsehtaryn jańǵyrtyp, jetekshi nemis tehnologııasyn qondyrýynyń arqa­synda polımer qubyrlar shyǵa­rý  óndirisin  aıtýǵa  bolady.