Italııalyq hırýrg almatylyq qyzdyń tamaǵyna ota jasap, daýysyn qaıtardy
ALMATY. QazAqparat - Almatyda əlemdik otorlarıngologııa salasynyń úzdik hırýrgy Roberto Pýjedý Sanjar Asfendııarov atyndaǵy QazUMÝ janyndaǵy Aqsaı ýnıversıtettik klınıkasynda biregeı ota jasady, dep habarlaıdy QazAqarat tilshisi.
Ol balanyń kómeıindegi isikti alyp tastady. Kómeı papıllomatozy qatersiz isik túrine jatady.
Bul kóbinese adam papıllomasy vırýsynyń 6 jəne 10 túrlerin tasymaldaýshy bop otyrǵan adamdarda kezdesedi. Bul dertke shaldyqqan adamdar kóbinese sóıleý qabiletinen aırylyp qalady.
Sanjar Asfendııarov atyndaǵy QazUMÝ LOR kafedrasynyń meńgerýshisi Aıgúl Medeýlovanyń aıtýynsha, búginde Qazaqstanda júzdegen kishkentaı patsıent osyndaı otaǵa muqtaj. Arasynda asqynýlar jıi bolady. Óıtkeni, papılloma ósken kezde qaıtadan ota jasaýǵa týra keledi.
Búginde Qazaqstanda osyndaı kúrdeli otalar tek Nur-Sultandaǵy Ana men bala ortalyǵynda jəne Almatydaǵy Aqsaı emhanasynda jasalady.
Dərigerler bul aýrýdy hırýrgııalyq emdeý kúrdeli otaǵa jatatynyn aıtty. Sebebi, balalardyń 45%-y traheostomııalyq trýbkamen júrýge məjbúr bolady. Balalardyń daýsy shyqpaı qalady, demalysy qıyndaıdy. Eń aldymen kishkentaı patsıenterdiń trýbkalardan qutqaryp, tolyq demalysyna múmkindik berý kózdeledi. Aqsaı emhanasynda kúzde 7 balaǵa ota jasalsa, olardyń 2 ǵana ózdiginen demalyp ketti.
Italıandyq hırýrg Roberto Pýjedý 16 adamǵa ota jasaıdy. Olardyń birsypyrasynda kómeı qatersiz isigi bolsa, keıbireýleri jol apatynan jaraqat alǵan.
13 jastaǵy qyz bala kópbalaly otbasynan shyqqan. 10 jyldan beri traheostomııalyq trýbkamen júrýge məjbúr bolǵan.
«Qyz murynmen demalmaıdy. Sóıleýden jańylyp qalǵan. Professor Roberto Pýjedý óz praktıkasynda birinshi ret osyndaı jaǵdaımen kezdesken. Qyzdyń aýzy men jutqynshaǵynan bastap traheıasyna deıin usaq óskinder basyp ketken. Qazir bala murnymen demala bastady. Alǵashqy sózderin aıta bastady. Bir aıdyń ishinde daýsy shyǵady dep oılaımyz», - dedi Aıgúl Medeýlova.
