Italııalyq dáriger toǵyz jylda 15 kún ǵana jumysqa kelgen
ASTANA. QazAqparat - Italııada dáriger toǵyz jyldyń ishinde bar-joǵy 15 kún jumysta bolǵan, dep jazady 24.kz.
Dáriger osy ýaqyt aralyǵynda jumystan zańdy túrde jaltaryp kelgen kórinedi. Kýrstarǵa qatysyp, eńbek demalysynda bolǵan, syrqatpyn dep aýrýhanada jatyp alǵany taǵy bar. Biraq jalaqysyn tolyq alyp otyrypty.
Sıtsılııalyq dáriger 2005 jyly mamandyǵy boıynsha Katanııa provıntsııasyndaǵy aýrýhanalardyń birine jumysqa turady. Sol kúni ol ýnıversıtettegi kýrsqa jiberiledi. 2008 jyldyń 31 qazanynda jumysqa oralǵan soń dáriger otbasylyq jaǵdaıyna baılanysty aqy tólenetin demalys surap alady, ol 2009 jyldyń mamyryna deıin sozylǵan. Odan keıin 15 kún aýrýhanada jumys istep, 2009 jyldyń shildesine deıin densaýlyǵyna baılanysty taǵy úzilis alypty. Saýyǵyp kelgesin ýnıversıtettegi taǵy bir oqý kýrsyna jazylǵan, onda bıylǵy jyldyń maýsymyna deıin biliktiligin arttyrady.
Endi ol 2016 jyldyń jeltoqsanyna qaraı doktorlyq dáreje alýǵa daıyndalyp júr.
Aýrýhananyń bas dárigeri jalqaý dárigerdi birneshe ret jumysqa qaıtarýǵa árekettengenin aıtady. Alaıda barlyǵy zań aıasynda bolǵandyqtan, onysynan esh nátıje bolmapty.
