Italııalyqtar úshin tólqujat alý erejeleri kúsheıtildi

ASTANA.KAZINFORM - Seısenbi kúni Italııa zańyna engizilgen túzetýlerge sáıkes, endi elde tólqujat alý úshin ótinish berýshiniń ata-anasynyń biri nemese ata-ájesi týǵannan Italııa azamaty bolýy kerek, dep habarlaıdy BBC. 

Buryn Italııa Koroldigi qurylǵan 1861 jyldyń 17 naýryzynan keıin dúnıege kelgen ata-tegi bar kez kelgen ıtalııalyq qany bir bolǵandyqtan azamattyq alýǵa quqyly boldy.

Úkimet bul ózgerister Italııa men sheteldegi azamattar arasyndaǵy baılanysty «nyǵaıtyp», tólqujat alýdy «kommertsııalandyrýǵa» jol bermeý jáne ótinishterdiń artta qalýyn boldyrmaý úshin engizilgenin aıtty.

Úkimet málimetterine sáıkes, 2014 jyldyń sońynan 2024 jyldyń sońyna deıin shetelde turatyn azamattardyń sany 40%-ǵa - 4,6 mıllıonnan 6,4 mıllıon adamǵa deıin ósti.

Buǵan deıin Qazaqstanda tólqujatty kim tegin ala alatynyn jazǵan bolatynbyz.