Italııalyqtar Tarazda Qarahan kesenesi mańyna tal ekti

ASTANA. KAZINFORM — Tarazdy tamashalaýǵa kelgen ıtalııalyq Garıgga otbasy «Taza Qazaqstan» aktsııasyna qatysyp, Qarahan kesenesi mańyna tal ekti, dep habarlaıdy Jibek Joly telearnasy.

Shet el azamattary el boıynsha júrip jatqan tazalyq sharasyna tańdanystaryn bildirdi.

Jerorta teńizi jaǵalaýynan kelgen týrıster Qazaqstannyń kórikti jerlerin aralap, tarıhı oryndarymen tanysyp júr. Onyń ishinde Qarahanıdter dáýirinen beri kele jatqan Qarahan kesenesine arnaıy kelgen. Saıahatshylar sol mańda ótip jatqan «Taza Qazaqstan» aktsııasyna bilek sybana aralasyp ketti. Olar barlyq azamat qatysyp jatqan mundaı aýqymdy jumystarǵa qyzyǵa qarap, óz elderine aıtyp baratyndyqtaryn jetkizdi. Búgingi shara aıasynda 50 túp alma aǵashy egildi.

— Barlyqtaryńyzǵa sálem. Men Krıstınamyn, bul Karlo. Biz Qazaqstanǵa juma kúni qonaqqa keldik. Munda 14 kún bolamyz. Bul elde mańyzdy jáne óte ádemi eskertkishter kóp. Sonymen qosa sizderde óte ádemi tabıǵat bar. Biz sizdermen birge aǵash otyrǵyzǵanymyzǵa qýanyshtymyz. Sondaı-aq, bul ádemi faýnasy men florasy bar keremet el. Barlyǵyńyzǵa rahmet, — dedi saıahatshy.

Buǵan deıin habarlanǵandaı, Tarazda kásipkerler tarıhı qoryq-mýzeıdiń bir bóligin zańsyz ıemdenip, saýda jasaǵan.