Italııalyq tennısshi rekordtyq kólemde tabys tapty

ASTANA. KAZINFORM – Italııanyń Týrın qalasynda máresine jetken ATP qorytyndy týrnırinde álemniń 1-raketkasy ıAnnık Sınner qarsylastarynyń bárin jeńdi.

Jarys barysynda Aleks de Mınor, Danııl Medvedev jáne Kasper Rýýdty qapy qaldyrǵan ıtalııalyq tennısshi fınalda amerıkalyq Teılor Frıtsti 6:4, 6:4 esebimen qapy qaldyrdy. 

ıA.Sınner 1986 jyldan beri birde-bir sette ese jibermegen birinshi tennısshi atandy. 1986 jyly Ivan Lendl osyndaı nátıjege qol jetkizgen bolatyn.

Sonymen qatar ıAnnık Sınner jarys qorytyndysynda 4 mln 881,5 myń AQSh dollary kóleminde tabys taýyp, absolıýtti rekord ornatty. Buǵan deıin 2022 jyly qorytyndy týrnırde Novak Djokovıch 4 mln 740,3 myń dollar, bıyl Korı Gaýff 4 mln 805 myń dollar tabys tapqan edi.

ıA.Sınner bıyl Australian Open, US Open, sondaı-aq Tsıntsınnatı, Rotterdam, Maıamı, Galle jáne Shanhaı dodalarynda jeńiske jetti.

ATP qorytyndy týrnıri 2030 jylǵa deıin Italııada ótetin bolady.

ıAnnık Sınner jańartylǵan ATP reıtıngisinde 11 830 upaımen basqalardan qara úzip ketti. Ekinshi oryndaǵy germanııalyq Aleksandr Zverevtiń 7 915 upaıy bar.

Qazaqstannyń birinshi raketkasy Aleksandr Býblık 34-orynda qalsa, Aleksandr Shevchenko 80-nen 78-ge, Mıhaıl Kýkýshkın 113-ten 112-ge, Dmıtrıı Popko 176-dan 174-ke, Tımofeı Skatov 195-ten 192-ge joǵarylady. Denıs Evseev 204-ten 212-ge tómendese, Beıbit Juqaev 238-satyda qaldy.

Eske sala keteıik, budan buryn Qazaqstan quramasynyń Bıllı Djın Kıng kýbogynyń irikteý kezeńine joldama alǵanyn jazǵan edik.