Italııalyq «Pensiero» basylymy Dımash Qudaıbergen týraly maqala jarııalady

ASTANA. KAZINFORM - Mádenıet, ádebıet, tarıh jáne fılosofııa týraly jazatyn ıtalııalyq «Pensiero» basylymy Dımash týraly «Dımash Qudaıbergen. Shyǵys pen Batystyń arasy. Astanaǵa barýǵa laıyqty óte sırek kezdesetin daýys ıesi» atty maqala jarııalady.

Dımashtyń Astanadaǵy jeke kontsertin tamashalaǵan maqala avtory qazaqstandyq erekshe daýys ıesiniń óneri, shyǵarmashylyǵy, otbasy týraly jazǵan. Sonymen qatar álemge áıgili ánshini túrli ult pen ulys ókilderin, barsha adamzatty ónerimen baýraǵan, olardy bir arnaǵan toǵystyrǵan dáneker dep baǵa beredi. 

«Bizdi álemniń 80 elinen kelgen 40 myń adamdy Dımashtyń óneri biriktirdi. Kontserttegi atmosferany sózben jetkizý múmkin emes. Birdeı jyldamdyqpen soǵyp jatqan kóp júrekpiz. Dımashtyń ár kontserti burynǵylaryna uqsamaıtyn ereksheligimen este qalady. Biz ózimizdi tilderimizdiń ártúrliligine qaramastan BUU-nyń shtab-páterinde turǵandaı sezindik», - dep jazdy avtor. 

Esske sala keteıik, buǵan deıin Dımash Qudaıbergenniń Dinder seziniń Іzgi nıet elshisi bolyp taǵaıyndalǵanyn jazǵan edik.