Italııalyq kompanııa Ózbekstandaǵy AES qurylysyn qadaǵalaýǵa qatysýy múmkin

TAShKENT. KAZINFORM — Italııalyq Ansaldo Energia holdıngtik kompanııasy Ózbekstandaǵy AES qurylysyna qatysýy múmkin. Bul týraly «Ózatom» agenttiginiń baspasóz qyzmeti habarlady. 

Habarlamaǵa sáıkes, «Ózatom» dırektory Azım Ahmadhodjaev Ansaldo Energia holdınginiń jáne onyń ıadrolyq energetıka tehnologııalaryna mamandandyrylǵan kompanııalarynyń biri — Ansaldo Nucleare basshylyǵymen kezdesti.

Taraptar tehnologııalyq ıntegratsııa salasyndaǵy yntymaqtastyqty damytý jáne Ózbekstandaǵy alǵashqy atom elektr stantsııasyn salý jobasyn júzege asyrýda ıtalııalyq seriktesterdiń qosalqy júıelik sheshimderin atalǵan eldiń klımattyq jaǵdaılaryna beıimdeý máselelerin talqylady. 

Atap aıtqanda, holdıngtik kompanııany Ózbekstanda AES salý jobasyn júzege asyrýdy qadaǵalaý, sondaı-aq tıimdi qosalqy sheshimderdi ázirleý úshin tehnıkalyq keńesshi retinde tartý múmkindikteri talqylandy.

Ansaldo Nucleare kompanııasynyń paıdalanylǵan ıadrolyq otyndy basqarý júıelerin satyp alý múmkindigimen radıoaktıvti qaldyqtardy basqarý salasyndaǵy kompanııamen yntymaqtastyqtyń erekshelikteri egjeı-tegjeıli zertteldi. 

Sonymen qatar Italııa taraby ulttyq normatıvtik-quqyqtyq bazany qalyptastyrý jáne lıtsenzııalaý boıynsha keńes berý qyzmetin júzege asyrýǵa, sondaı-aq ıadrolyq sektordaǵy tehnologııalardy úzdiksiz jetildirý jáne kadrlardy oqytý úshin eki eldiń múddesi úshin birlesken ǵylymı-zertteý jáne tájirıbelik-konstrýktorlyq jumystardy uıymdastyrýǵa qyzyǵýshylyq tanytty.

Eske sala keteıik, Ózbekstan AES-ke qajetti salqyndatý júıesin Majarstannan alady.