Italııaǵa jasaıtyn sapary barysynda D.Medvedev «ıÝjnyı potok» gaz qubyry jobasynyń bolashaǵyn talqylaıtyn bolady
MÁSKEÝ. 16 aqpan. QazAqparat /Narymbek Ysmaǵulov/ - Reseı Federatsııasynyń Prezıdenti Dmıtrıı Medvedev 16-17 aqpan kúnderi resmı saparmen Italııaǵa barady,
dep habarlaıdy Kremldiń baspasóz qyzmeti.
Sapar barysynda RF basshysy Italııa Respýblıkasynyń Prezıdenti Djordjo Napolıtano jáne Italııa Mınıstrler keńesiniń tóraǵasy Sılvıo Berlýskonımen kezdesý ótkizedi. Reseı-Italııa qarym-qatynasy men eki eldiń halyqaralyq arenadaǵy ózara is-qıymyl máselesine keń kólemde sholý jasalady dep kútilip otyr.
«Jospar boıynsha Reseıden Eýropa ońtústigine Qara teńiz sý aıdyny arqyly ótetin gazkólik jelisiniń qurylysy («ıÝjnyı potok»), reseılik kompanııalardyń «Fınmekkanıka»» atty ıtalıan kóliktik kásipornymen yntymaqtastyǵy sııaqty birlesken jobalardyń bolashaǵy týraly sóz qozǵalady. Al halyqaralyq máseleler arasynda negizgi nazardy eýropalyq qaýipsizdiktiń jańa sáýletin qalyptastyrý taqyrybyna aýdarý josparlanyp otyr», - delingen habarlamada.
Sonymen qatar RF Prezıdenti 17 aqpan kúni jumys saparymen Vatıkanǵa barady. Bul eki el arasynda keń aýqymdy dıplomatııalyq qarym-qatynas ornaǵannan bergi RF basshysynyń Vatıkanǵa jasaıtyn alǵashqy sapary bolmaq.
