Italııaǵa zańsyz mıgranttardyń jańa legi aǵyla bastady
Osy juma men senbide Lampedýzadaǵy jaǵalaýǵa ondaǵan qaıyq pen kater toqtady. Olardyń barlyǵy derlik Týnıstiń Sfaks qalasynan jetken. Bir ǵana táýlikte aralǵa 3 myńnan astam adam túsken.
Jergilikti bılik mıgranttardyń basym bóligin Sıtsılııadaǵy Porto-Empedokle kommýnasyna jetkizý úshin parom tasymalyn uıymdasyrýdy qolǵa aldy.
Buǵan deıin habarlaǵanymyzdaı, Týnıs jaǵalaýynda bosqyndar mingen keme sýǵa batyp ketken bolatyn.
Eske salsaq, Italııanyń Kýtro qalasynda myńdaǵan adam sherýge shyǵyp, keme apatynan qaıtys bolǵan 75 mıgrantty eske alǵan edi. Italııanyń ońtústigindegi Krotone aýdanynda keme apatqa ushyrap, zańsyz mıgranttar qaza tapqan bolatyn.
Mıgratsııa jónindegi halyqaralyq agenttiktiń esepteýinshe, Eýropaǵa aparatyn bul baǵytta jyl basynan beri 300-deı adam sýǵa batty nemese habar-osharsyz ketken.
