Italııaǵa bir táýlikte 1200-ge jýyq zańsyz mıgrant kelgen
Resmı tulǵalardyń habarlaýynsha, Italııanyń Kalabrııa aımaǵynyń jaǵalaýyna tolyp ketken balyqshy qaıyǵynan 674 adam qutqarylyp, 5 adamnyń máıiti shyǵaryldy.
Sol kúni taǵy 15 qaıyqtan 522 adam qutqarylyp, Jerorta teńizindegi kishkentaı ıtalııalyq janartaý araly – Lampedýzaǵa jetkizildi, ol Eýropaǵa jetýdi qalaıtyn adamdardyń negizgi kelý porttarynyń biri bolyp sanalady. Qutqarylǵandardyń arasynda Aýǵanstan, Pákistan, Sýdan, Efıopııa jáne Somalıden kelgen zańsyz mıgranttar bar.
Jyl saıyn jaǵalaý kúzeti men úkimettik emes uıymdar teńizde apatqa ushyraǵan júzdegen adamdy qutqarady. Kóptegen mıgranttar qaýipti saparǵa kontrabandashylardyń ýaqytsha qaıyqtarymen shyǵady da qaıyqtar buzylǵan kezde teńizdiń ortasynda qalyp qoıady.
Birikken Ulttar Uıymynyń Bosqyndar isi jónindegi Joǵarǵy Komıssarynyń (BUU BJKB) málimeti boıynsha, 2021 jyly Jerorta teńizi men Soltústik-Batys Atlant muhıtynda 3231 adam óldi nemese iz-túzsiz joǵaldy.