Italııadaǵy zilzaladan zardap shekkenderdiń qatarynda qazaqstandyqtar joq - QR SІM
ASTANA. QazAqparat - Aldyn ala málimetter boıynsha, Italııadaǵy zilzaladan zardap shekkenderdiń qatarynda qazaqstandyqtar joq. Bul týraly «QazAqparat» tilshisine QR Syrtqy ister mınıstrliginiń baspasóz hatshysy Ánýar Jaınaqov málim etti.
«Aldyn ala málimetter boıynsha, zilzaladan zardap shekkenderdiń qatarynda bizdiń azamattar joq. Biraq biz anyqtaý boıynsha jumysty doǵarǵan joqpyz. Bizdiń dıplomattar sonda anyq-qanyǵyn bilý úshin attandy», - dep atap ótti Á.Jaınaqov.
Búgin BAQ betterinde habarlanǵanyndaı, Italııanyń ortalyǵynda ornalasqan Amatrıche qalasynda joıqyn zilzala saldarynan sońǵy málimet boıynsha 38 adam qaza taýyp, júzdegen adam jaraqattanǵan.
Italııanyń azamattyq qorǵanys qyzmeti málim etkenindeı, zilzala qýaty «kúshti» dep baǵalandy.
