Italııadaǵy jer silkinisinen zardap shekkender bar
ASTANA. QazAqparat - Búgin tańerteń Italııanyń ortalyq aýdandarynda oryn alǵan qýaty 6,5 baldyq jer silkinisi saldarynan eldiń birqatar eldi mekenderinde zardap shekkender bar.
Biraq, abyroı bolǵanda qaza tapqandar joq. Bul týraly Reseıdiń jańalyqtar agenttigi Italııanyń Azamattyq qorǵanys ulttyq qyzmetiniń basshysy Fabrıtsıo Kýrchoǵa silteme jasap habarlady.
Onyń aıtýynsha, Azamattyq qorǵanys qyzmeti qyzmetkerleri, quqyq qorǵaý organdary men medıtsınalyq mekeme ókilderi qazirgi ýaqytta barlyq qıraǵan ǵımarattardy tekserip, jaraqat alǵandarǵa kómek kórsetýde. Ulttyq geofızıka jáne výlkanologııa ınstıtýtynyń naqtylanǵan málimetterine sáıkes, qýaty 6,5 baldyq jer silkinisi jergilikti ýaqyt boıynsha saǵat 07:41-de oryn alǵan, onyń kindigi - Norcha qalasyna taqaý jerde. Birinshi jer silkinisi oryn alǵannan keıin 20 mınýttan soń, qýaty 4,6 jáne 4,1 baldyq taǵy eki zilzala tirkelgen. Jer silkinisi búkil Italııa aýmaǵynda, onyń ishinde Rım men eldiń ortalyq iri qalalarynda baıqalǵan.
BAQ ókilderi Azamattyq qorǵanys qyzmetindegi derekkózderine silteme jasaı otyryp, Tolentıno qalasynda 3 adamnyń qırandylar astynan qutqarylǵandyǵyn habarlaýda. Olardyń barlyǵy jeńil jaraqattar alǵan.
