Italııadaǵy rep-kontsertte alty adam qaza taýyp, 60-tan astamy aýrýhanaǵa tústi
ASTANA. QazAqparat - Keshe túnde Italııanyń shyǵys jaǵalaýynda ornalasqan Ankona qalasyndaǵy túngi klýbta bolǵan rep-kontsertte kem degende alty adam qaza tapty, dep habarlaıdy Bı-bı-sı.
Qutqarýshylardyń sózine qaraǵanda, zaldaǵy qaıǵyly oqıǵaǵa gaz ballonynan shyqqan gaz sebep bolýy múmkin.
Reppublica basylymynyń jazýynsha, qaıtys bolǵandardyń beseýi jasóspirim - eki bozbala jáne úsh qyz, al altynshysy kontsertke qyzymen kelgen áıel. Sondaı-aq júzden astam adam zardap shekken bolýy múmkin, 12-si qazir aýrýhanada hal ústinde jatyr.
Biraq bul aqparat áli resmı túrde rastalǵan otyr. Jergilikti qutqarýshylar Týıtterde ondaǵan adamnyń zardap shekkenin málimdegenimen, eshqandaı naqty tsıfr aıtqan joq.
