Italııadaǵy referendým eýrony quldyratty
ASTANA. QazAqparat - Dúısenbi, 5 jeltoqsanda azııalyq saýda-sattyq basynda eýro baǵamy ótken jylǵy naýryzdan bastalǵan tómengi deńgeıge deıin - ótken sessııanyń jabylǵandaǵy jaǵdaı boıynsha 1,0664 dollarmen salystyrǵanda, 1,0505 dollarǵa deıin tústi.
Eýropalyq valıýtanyń tómendeýi konstıtýtsııalyq reforma boıynsha Italııadaǵy referendýmnyń aldyn ala nátıjesin jarııalaǵannan keıin tirkeldi, dep habarlady MarketWatch.
Plebıstsıt barysynda ıtalıandyqtar premer Matteo Rentsıdiń usynysyna «joq» dep aıtty, budan keıin ol otstavkaǵa ketetinin málimdedi. Bul sheshim parlamenttegi kezekten tys saılaýǵa alyp kelip, Eýropanyń birligine qaýip týdyrýy múmkin.
Rentsıdiń ketýi eldiń eýroodaqtan shyǵýyn qoldaıtyn oppozıtsııalyq partııalardyń bılikke kelýine jol ashady, dep habaarlaıdylenta.ru.
