Italııadaǵy prezıdenttik saılaý: úshinshi jáne tórtinshi týrlar nátıjesiz aıaqtaldy
RIM. 20 sáýir. QazAqparat - 18 sáýirde bastalǵan Depýtattar palatasy men Senattyń birlesken otyrysynda Italııadaǵy prezıdenttik saılaýdyń úshinshi jáne tórtinshi týrlarynyń qorytyndysy boıynsha birde-bir úmitker jeńiske qajetti daýystardyń úshten ekisin jınaı almady.
Úshinshi týrdaǵy daýys berýde «5 juldyz qozǵalysy» usynǵan solshyl toptar arasyndaǵy tanymal zańger jáne saıasatker Stefano Rodota (249 daýys) kóshbasshy boldy. Ol alǵashqy eki týrda tıisinshe 240 jáne 230 daýys jınaǵan bolatyn.
Tórtinshi týr bastalar aldynda «Halyq bostandyǵy» partııasynyń kóshbasshysy Sılvıo Berlýskonı onyń partııasy daýys berýge qatyspaıtynyn málimdedi. Oǵan «Soltústik lıgasyndaǵy» odaqtastary qosyldy. Sonyń nátıjesinde daýys berýge 300 adam qatyspady. Eki saıası kúsh te Italııanyń burynǵy premer-mınıstri, Eýrokomıssııanyń eks-tóraǵasy Romano Prodıdiń kandıdatýrasyna úzildi-kesildi qarsy shyqty, ol juma kúni prezıdenttik dodadan óziniń kandıdatýrasyn alyp tastady.
Degenmen R.Prodı daýys berýdiń tórtinshi týrynda kóshbasshy boldy. Ol 395 daýys jınady. Ekinshi orynda S.Rodota (2013 daýys).
Budan buryn QazAqparat habarlaǵandaı, daýys berýdiń eki týrynyń qorytyndysymen prezıdentti saılaýdyń reti kelmedi. Eger birinshi úsh týrda úmitkerler keminde 672 daýys jınaý qajet bolsa, tórtinshi týrdan bastap olar 504 basym daýys jınasa jetkilikti.
Birinshi týrda senattyń burynǵy tóraǵasy Franko Marını (521) eń joǵary qoldaýǵa ıe boldy. Ekinshi kezeńniń barysynda bıýlletenderdiń kópshiligi toltyrylmastan qaldy. Bul joly S.Rodota kóbirek daýys jınady.
Daýys berý búgin jalǵasady.
Prezıdent saılaýy elde 24-25 aqpanda ótken parlamenttik saılaýdyń nátıjesinde týyndaǵan saıası daǵdarys jaǵdaıynda ótýde. Qazirgi prezıdent Djordjo Napolıtanonyń ókildigi osy jylǵy mamyrda aıaqtalady. Jergilikti taldamashylar respýblıka prezıdentin saılaýdan keıin jaǵdaıǵa qalypqa keledi dep sanaıdy. Olaı bolmaǵan jaǵdaıda jańa memleket basshysy parlamentti taratyp, qaıtadan parlament saılaýyn taǵaıyndaýy múmkin.
