Italııadaǵy prezıdenttik saılaý: birinshi jáne ekinshi kezeńder nátıjesiz aıaqtaldy
RIM. 19 sáýir. QazAqparat - Italııada beısenbi kúni bastalǵan Depýtattar palatasy men Senattyń birlesken otyrysynda el prezıdentin saılaý úshin daýys berýler ótti.
Onyń birinshi jáne ekinshi kezeńiniń nátıjesi boıynsha kandıdattardyń eshqaısysy jeńiske jetý úshin qajetti - daýystardyń úshten ekisin ıelene almady.
Birinshi kezeńde barynsha kóp daýysqa Senattyń burynǵy tóraǵasy Franko Marını ıelendi, onyń kandıdatýrasyn Italııanyń Demokratııalyq partııasy usynǵan bolatyn. Oǵan 521 adam daýys berdi, alaıda, saılaný úshin 672 daýys jınaý qajet boldy.
Ekinshi kezeń barysynda bıýlletenderdiń basym deni toltyrylmaı qaldy - 1007-niń 400-den astamy. Bul rette, daýystardyń basym sanyna «5 juldyz» qoǵamdyq qozǵalysy usynǵan, solshyldar ortasynda tanymal zańger jáne saıasatker Stefano Rodota ıe boldy - 230-ǵa jýyq.
Daýys berý búgin jalǵasatyn bolady.
Aıta keteıik, Italııanyń qazirgi prezıdenti Djordjo Napolıtanonyń ókilettik merzimi aǵymdaǵy jyldyń mamyr aıynda aıaqtalady.
