Italııadaǵy qazaqstandyqtar elge Reseı ushaqtarymen qaıta alady – QR SІM
NUR-SULTAN. QazAqparat – Italııa ózge eldermen áýe qatynasyn ýaqytsha toqtatty. Bul týraly Qazaqstannyń Syrtqy ister mınıstrliginiń Telegram arnasynan málim boldy.
«Qazaqstan Respýblıkasynyń Italııadaǵy Elshiligi qazirgi ýaqytta koronavırýs epıdemııasynyń saldarynan Italııadaǵy tótenshe jaǵdaıǵa baılanysty Italııa men álemniń basqa elderi arasyndaǵy áýe qatynasy ýaqytsha toqtatylǵanyn habarlaıdy.
Osyǵan baılanysty, qazirgi ýaqytta reseılik «Aeroflot» áýe kompanııasy Máskeý qalasynda qaıta otyrǵyzý arqyly Rımnen Qazaqstanǵa jolaýshylar reısterin júzege asyryp jatqandyǵyn nazarlaryńyzǵa salamyz.
Sonymen birge, ústimizdegi jylǵy 11 naýryzdan bastap «Aeroflot» áýe kompanııasy Italııanyń qalalaryna ushý baǵdarlamasyn ózgertip jatqandyǵyn habarlaımyz. Aqparattyń jańarýyn kompanııanyń resmı saıtynan tekserip turýlaryńyzdy suraımyz»,-delingen habarlamada.
