Italııadaǵy avtobýsta jaraqat alǵan áıel Almatyǵa jetkizildi
ALMATY. QazAqparat - Italııadaǵy avtobýs apatynda jaraqat alǵan áıel Almatyǵa jetkizilip, №7 klınıkalyq aýrýhanaǵa jatqyzyldy, dep habarlaıdy QazAqparat tilshisi.
Qazir dárigerler patsıenttiń ómiri úshin reanımatsııalyq jaǵdaıda em júrgizip jatyr.
«Patsıent jabyq mı jaraqatyn alǵan, samaı súıegi synǵan, omyrtqa súıekteri synǵan. Keýde qýysy aýyr soqqy alǵan. Sonymen qatar, 4 qabyrǵasy synyp, ornynan jyljyp ketken. Oǵan qajetti ota jasaldy», - dedi qalalyq Qoǵamdyq densaýlyq basqarmasynyń baspasóz qyzmetinen.
Aıta keteıik, osyǵan deıin elimizdiń Syrtqy ister mınıstrligi Italııada týrıster mingen avtobýstyń apatqa ushyraǵandyǵyn, onyń ishinde 9 Qazaqstan azamaty bolǵandyǵyn habarlady.
Keıinirek mınıstrlik osy jol apatynan zardar shekken Qazaqstan azamattarynyń arnaıy ushaqpen elge qaıtarylatyndyǵyn málim etti.
