Italııadaǵy aptap ystyq: 11 qalada qaýiptiliktiń eń joǵary deńgeıi jarııalandy
NUR-SULTAN. QazAqparat – Italııa Densaýlyq saqtaý mınıstrligi aýa raıynyń qatty ystyq bolýyna baılanysty eldiń 11 qalasynda, sonyń ishinde Rımde, qaýiptiliktiń eń joǵary qyzyl deńgeıin jarııalady, dep habarlaıdy QazAqparat vedomstvonyń saıtyna silteme jasap.
Densaýlyq saqtaý mınıstrliginiń boljamyna sáıkes, 12 tamyz kúni Italııa astanasynda, Ankonada, Bolonede, Boltsanoda, Kampobassoda, Florentsııada, Frozınonede, Latınede, Perýjde, Rıetı men Trıestede Tselsıı boıynsha 38 gradýsqa deıin aptap ystyq kútilýde. Seısenbi, 13 tamyz kúni, eskertý tek Kampobasso, Frozınone, Palermo, Perýdje, Rıetı men Rım qalalaryna qatysty bolady. Alaıda, sınoptıkterdiń boljaýyna sáıkes, 12 tamyzda Apennınniń soltústiginde jaýyn-shashyn bolýy múmkin.
Jergilikti BAQ ókilderiniń aıtýynsha, dúısenbi bul aptanyń eń ystyq kúnine aınalmaq.
