Italııadaǵy alapat tasqyn: 11 oblysta tótenshe jaǵdaı jarııalandy
ASTANA. QazAqparat - Italııa mınıstrler keńesi tolassyz jaýǵan jańbyr men sý tasqynynan zardap shekken eldegi 20 oblystyń 11-ine tótenshe jaǵdaı jarııalady. Bul týraly habarlama beısenbi kúni Italııa úkimetiniń saıtynda jarııalandy, dep habarlaıdy QazAqparat.
Atalyp ótilgendeı, tótenshe jaǵdaı 2 qazannan beri tabıǵı apattan zardap shekken óńirlerge engizildi. Atap aıtqanda, Kalabrııa, Emılıı-Romane, Frıýlı-Venetsııa-Djýlııa, Latsıo, Lıgýrııa, Lombardııa, Sıtsılııa jáne Sardınııa araldary, Toskana, Veneto jáne Trentıno - Alto-Adıdjada.
Úkimet tabıǵı apattyń keltirgen zalalyn joıý úshin €53,5 mln bóldi. Taǵy €200 mln taıaý ýaqytta bólinedi.
Aımaq ókilderi bul qarjynyń jetispeıtindigin málimdedi. Infraqurylym jáne kólik mınıstri Danılo Tonınellıdiń alǵashqy baǵalaýy boıynsha, Apennınamda keltirilgen zalal 3 mlrd eýrony qurap otyr.
Tabıǵı apattyń saldarynan 30 adam mert bolǵan. Alapat daýyldan mıllıondaǵan aǵash qulap, kýrorttar men týrıstik porttar qıraǵan.
Foto: Matteo Nardone/ZUMAPRESS.com/Global Look Press
