Italııadaǵy týrnır: búgin quramadaǵy qaı boksshylar sharshy alańǵa shyǵady
ASTANA. KAZINFORM - Búgin, 5 naýryzda Italııanyń Býsto-Arsıtsıo qalasynda ótip jatqan halyqaralyq týrnırde Qazaqstan quramasynyń sapynan eki boksshy sharshy alańǵa shyǵady.
El quramasynan sharshy alańǵa erler arasynda 63,5 kelide Muhamedsabyr Bazarbaıuly Trınıdad jáne Tobagodan kelgen Donnel Fıllıppen qolǵap túıistiredi.
Sondaı-aq Aslanbek Shymbergenov (80 keli) pen Sem Morovatı (Fınlıandııa) sharshy alańǵa shyǵady.
Aıta ketsek, budan buryn el quramasynan Sáken Bıbosynov (51 keli), Mahmýd Sabyrhan (57 keli), Nurbek Oralbaı (80 keli) qarsylastaryn jeńip, jarysty jalǵastyrýǵa múmkindik aldy.
Sondaı-aq qyzdar arasynda 60 kelide Rımma Volosenko gaıanalyq Hadnas-Sah Tıannadan basym tústi.
Lıtsenzııalyq týrnırde 2024 jylǵy Parıj Olımpıadasynyń joldamalary sarapqa salynady.
Bylǵary qolǵap sheberleri erler arasynda 28, áıelder arasynda 21 joldamaǵa talasady. Týrnır 3-12 naýryz aralyǵynda ótedi.
Aıta ketsek, qazirge deıin el quramasynan Azııa oıyndarynda Karına Ibragımova (57 keli) jáne Qamshybek Qońqabaev (92 keliden joǵary) Parıj Olımpıadasyna joldama alyp úlgerdi.
