Italııadaǵy týrnır: búgin quramadaǵy qaı boksshylar sharshy alańǵa shyǵady
ASTANA. KAZINFORM - Búgin bokstan Italııanyń Býsto-Arsıtsıo qalasynda ótip jatqan halyqaralyq týrnırde Qazaqstan quramasynyń sapynan kimder saıysqa túsetini belgili boldy.
El quramasynan sharshy alańǵa erler arasynda 57 kelide Mahmýd Sabyrhan efıopııalyq ıAdesa Letamen qolǵap túıistiredi.
Sondaı-aq Nurbek Oralbaı (80 keli) men Gaıtıden kelgen Sedrık Belonı-Dıýlepre sharshy alańǵa shyǵady.
Aıta ketsek, 3 naýryzda Sáken Bıbosynov 51 kelide gonkongtyq Kannet Chýn Hım Tandy jeńip, jarysty jalǵastyrýǵa múmkindik aldy.
Sondaı-aq 60 kelide Rımma Volosenko gaıanalyq Hadnas-Sah Tıannadan basym tústi. Lıtsenzııalyq týrnırde 2024 jylǵy Parıj Olımpıadasynyń joldamalary sarapqa salynady. Bylǵary qolǵap sheberleri erler arasynda 28, áıelder arasynda 21 joldamaǵa talasady.
Týrnır 3-12 naýryz aralyǵynda ótedi.
Aıta ketsek, qazirge deıin el quramasynan Azııa oıyndarynda Karına Ibragımova (57 keli) jáne Qamshybek Qońqabaev (92 keliden joǵary) Parıj Olımpıadasyna joldama alyp úlgerdi.
