Italııadaǵy kórkem gımnastıkadan Álem kýbogyna qaı sportshylar qatysady
ASTANA. KAZINFORM — Italııadaǵy kórkem gımnastıkadan Álem kýbogy kezeńine qatysatyn Qazaqstan quramasynyń quramy jarııalandy, dep habarlaıdy UOK baspasóz qyzmeti.
Halyqaralyq gımnastıka federatsııasy Italııanyń Mılan qalasynda ótetin kórkem gımnastıkadan Álem kýbogy kezeńine qatysatyn sportshylardyń aldyn ala tizimin jarııalady.
Jekeleı synda Qazaqstan quramasynyń namysyn Aqmaral Erekesheva men Aıbota Ertaıqyzy qorǵaıdy.
Toptyq jattyǵýlarda Aızere Keńes, Jasmın Júnisbaeva, Krıstına Chepýlskaıa, Madına Myrzabaı, Aızere Nurmaǵambetova jáne Aıda Hakımjanova óner kórsetedi.
Álem kýbogynyń kezeńi 10-12 shilde aralyǵynda ótedi.
Osydan buryn Qazaqstanda alǵash ret estetıkalyq toptyq gımnastıkadan Azııa chempıonaty ótetinin jazǵanbyz.
