Italııada jol apatyna ushyraǵan qazaqstandyqtardy elge qaıtarylady - QR DSM
NUR-SULTAN. QazAqparat - QR Densaýlyq saqtaý mınıstrligi Italııada jol-kólik apatyna ushyraǵan eki jerlesimizdi elge alyp kelýge daıyn, dep habarlady mınıstrliktiń baspasóz qyzmeti.
Baspasóz málimetterine qaraǵanda, Qazaqstannyń Italııadaǵy Konsýldyǵy elimizdiń Syrtqy ister mınıstrligine Italııada eki otandasymyzdyń jol apatyna ushyrap, jergilikti statsıonarǵa túskenin habarlaǵan.
«Búgin, ıaǵnı, 28 mamyrda QR Syrtqy ister mınıstrligi QR Densaýlyq saqtaý mınıstrligine jerlesterimizdi elge tasymaldaý qajet dep hat jazdy. Aldyn ala medıtsınalyq qujattar qaraldy. Sheteldik mamandardyń medıtsınalyq qorytyndysana súıensek, patsıentterdiń jaǵdaıy turaqty, biraq aýyr, kóptegen jaraqat alǵan, olardy sanıtarlyq avıatsııamen tasymaldaý qajet»,-delingen habarlamada.
Óz kezeginde, QR Densaýlyq saqtaý mınıstrligi qos naýqasty elge alyp kelýge daıyn. Sanavıatsııanyń arnaıy borty da ázir jáne patsıentter biliktiligi joǵary dárigerlerdiń baqylaýynda bolady. Sanıtarlyq avıatsııanyń mobıldi brıgadasy naýqastardy tasymaldap qana koımaı, olardyń jaǵdaıyna monıtorıng júrgizip, bortta qaýipsizdigin qamtamasyz etedi.
Ulttyq jedel medıtsınany úılestirý ortalyǵynyń málimetinshe, patsıentter aldaǵy táýlikte Almatydaǵy medıtsınalyq mekemege jetkiziledi.
Esterińizge salsaq, 2019 jyly 22 mamyrda Italııada (Sıena provıntsııasynda) týrıstik avtobýs apatqa ushyraǵan edi. Kóliktiń ishinde Qazaqstan azamattary da bar. Jol-kólik oqıǵasy jergilikti ýaqyt boıynsha tańǵy saǵat 09:30-da bolǵan. Avtobýs jyraǵa qulap, aýdarylyp qalǵan, - deıdi ıtalııalyq sarapshylar.
QR Syrtqy ister mınıstrligi atalmysh avtobýsta 9 Qazaqstan azamaty bolǵandyǵyn, olardyń elge arnaıy ushaqpen qaıtarylýy múmkin ekendigin habarlady.
QR Densaýlyq saqtaý mınıstrligi shetelderdegi klınıkalarda aýyr jaǵdaıda jatqan, azamattyq reıstermen tasymaldaýǵa jaramaıtyn naýqastardy sanıtarlyq avıatsııamen elge alyp keledi. Búginge deıin QR Densaýlyq saqtaý mınıstrligi men sanıtarlyq avıatsııa 17 myń naýqasty tasymaldaǵan. Onyń 59-nyń jaǵdaıy óte aýyr bolǵan.
