Italııada jer silkinisiniń qurbandary 300-ge jýyqtady
ASTANA. QazAqparat - Italııada jer silkinisi saldarynan qaza bolǵandardyń sany 294 adamǵa deıin ósti. Bul týraly Rosbalt habarlady. Taǵy 688 adam jaraqat aldy, olardyń kópshiligi aýyr halde jatyr.
Qaza bolǵandardyń kópshiligi Amatrıcheden tabylǵan: bul qala basqalarynan kúshtirek zardap shekti.
Shatyrly qalashyqtarǵa úı-kúısiz qalǵan 2,5 myńǵa tarta adam ornalastyryldy. Askolı-Pıchenoda senbi kúni zilzalanyń 35 qurbanyn jerleý rásimi ótti, oǵan memleket basshysy jáne eldiń joǵary basshylyǵynyń ókilderi, sonyń ishinde premer-mınıstr Matteo Rentsı qatysty.
Elde aza tutý kúni jarııalandy, Rım papasy Frantsısk álem jurtshylyǵyn qaza bolǵandarǵa duǵa oqýǵa shaqyrdy.
24 tamyzǵa qaraǵan túnde Italııanyń ortalyq bóliginde terbelisi 6,2 ball jer silkinisi boldy, tabıǵı apat Ýmbrııa, Latsıo jáne Marke oblystaryn qamtydy.
