Italııada jer silkinisinen qaza tapqandar sany 38-ge jetti
ASTANA. QazAqparat - Italııada ótken túni dúleı jer silkinisi saldarynan qaza tapqandar sany 38 adamǵa jetti. Bul týraly «Reuters» agenttigi habarlady.
Atalǵan eldiń azamattyq qorǵanys qyzmetiniń ókili Immakolata Postılonıdiń aıtýynsha, Akkýmolıden Amatrıchege deıin 27 adam qaza tapty, taǵy on adam Arkýata-del-Tronto qalasynyń aýmaǵynan tabyldy.
Reuters naqtylaǵandaı, bastapqyda Postılonı 37 dep ataǵan, alaıda keıinnen qaza tapqandar sany 38 ekenin aıtty. Ol sondaı-aq, taýly jerlerdegi eldi mekenderde izdeý-qutqarý jumystaryn júrgizý qıynǵa soǵyp jatqanyn aıtqan.
