Italııada jer silkinisi qurbandandarynyń sany 84 adamǵa jetti
ASTANA. QazAqparat - Italııanyń ortalyǵynda bolǵan joıqyn zilzaladan kem degende 84 adam qaza tapqan. Bul týraly 24.kz telearnasy Reuters agenttigi silteme jasaı otyryp habarlaıdy.
Marke oblysynda 24 adam, al Amatrıche jáne Akkýmolı qalalarynda qaza tapqandar sany 60 adamǵa jetti. Sondaı-aq, kóptegen eldi mekenderde qutqarý jumystary áli de jalǵasyp jatyr.
Eske sala ketsek, zilzala jurt uıyqtap jatqan kezde, túngi saǵat 3 jarymda bolǵan. Onyń terbelisi Rıhter baǵamymen 6-ǵa jetken. Túnde bolǵan jer silkinisi ortalyq Italııadaǵy kúlli jurtty tik turǵyzdy. Rım, Florentsııa, Neapol jáne Rımını turǵyndarynyń deni kózderin asha salyp, dalaǵa júgirgen.
Zilzala oshaǵy iri eldi mekenderden alys bolǵan. Alaıda Rıetı provıntsııasyndaǵy birneshe shaǵyn qala jermen-jeksen boldy. Eń aýyr zardap shekken Amatrıche, Akkýmolı men Peskara-del-Tronto eldi mekenderi. Bul shaharlarda shamamen 3 myń turǵyn bolǵan.
