Italııada jekemenshik ushaq úıge soǵylyp, segiz adam qaza tapty
MILAN. QazAqparat – Mılada jekemenshik ushaq áýejaıdan ushyp shyqqannan keıin kóp uzamaı keńse ǵımaratyna soǵylǵan. Borttaǵy segiz adamnyń barlyǵy qaza tapqan. Ǵımarat bos bolǵan, jerde eshkim zardap shekpegen, dep habarlaıdy QazAqparat VVS-ge silteme jasap.
Ushaq Mılannyń Lınate áýejaıynan ushyp shyqqan jáne Sardınııa aralyna bet alýy kerek edi, biraq Mılannyń shetinde qulaǵan.
Kýágerlerdiń aıtýynsha, ushaq úıge qulap, jarylǵan.
Jergilikti BAQ-tyń málimetinshe, qaza tapqandardyń ishinde bala da bar.
«Ushaq qozǵaltqyshtaryn óshirgendeı dybys estidim. Sodan keıin óte qatty jarylys boldy. Áınekterimiz dirildedi. Men terezeni ashyp, býdaqtaǵan tútinniń kóterilip jatqanyn kórdim», - dedi Reıter agenttigine jergilikti turǵyn Djýzeppe.
Rai TV telearnasy habarlaǵandaı, ushaq bortynda frantsýzdar bolǵan, biraq bul aqparat resmı túrde ázirge rastalǵan joq.
Apat Mılannyń ońtústik-shyǵysyndaǵy San-Donato Mılaneze metro stantsııasyna jaqyn mańda bolǵan.
Ǵımarattaǵy órt kóp uzamaı sóndirildi.
