Italııada jańa úkimet jasaqtaldy
RIM. 28 sáýir. QazAqparat - Birneshe keńesýden keıin premer-mınıstrdiń mandatyn resmı túrde qabyldaǵan Italııa Demokratııalyq partııasynyń vıtse-hatshysy Enrıko Letta Italııanyń jańa úkimetin jasaqtady.
E.Lettanyń úkimetiniń quramyna 21 mınıstr endi. Vıtse-premer jáne Іshki ister mınıstrliginiń basshysy «Bostandyq halqy» partııasynyń hatshysy Andjelıno Alfano boldy. Ekonomıka mınıstri bolyp tanymal ekonomıst, Italııa Ortalyq bankiniń bas dırektory Fabrıtsıo Sakkomannı taǵaıyndaldy. Syrtqy ister mınıstri laýazymy buryńǵy eýrokomıssar Emma Bonınoǵa buıyrdy. Qorǵanys mınıstrliginiń basshysy bolyp 2004-2009 jyldar aralyǵynda Eýroparlament tóraǵasynyń orynbasary laýazymyn atqarǵan Marıo Maýro taǵaıyndaldy.
Jeksenbi, 28 sáýir kúni prezıdenttik Kvırınal saraıynda úkimettiń jańa músheleri Italııa prezıdentiniń aldynda ant qabyldaıdy.
