Italııada jańa úkimet quramy jasaqtaldy, olardyń teń jartysy názik jandylar
ASTANA. QazAqparat - El prezıdenti Italııanyń premer-mınıstri laýazymyna taǵaıyndaǵan demokratııalyq partııanyń kóshbasshysy, Florentsııanyń ákimi Matteo Rentsı jańa mınıstrler kabınetiniń tizimin usyndy, dep habarlady Bı-Bı-Sı.
Birneshe kún boıy Rentsı koalıtsııa quramyna kiretin túrli fraktsııalarmen kelissózder júrgizdi.
Ekonomıka mınıstriniń oryntaǵy Ekonomıkalyq yntymaqtastyq jáne damý uıymynyń basshysy Per Karo Padoanǵa usynyldy.
Rentsıdiń usynysy boıynsha jańa mınıstrler kabınetiniń teń jartysyna áıelder qaýymy jaıǵaspaq.
Ótken aptanyń sońynda partııa kabınetke senbeýshilik votýmyn bildirgennen keıin eldiń burynǵy premer-mınıstri Enrıko Letta otstavkaǵa ketken, ol 2013 jylǵy sáýirden bastap ıtalıandyq úkimetti basqardy. Sol ýaqytta Italııa prezıdenti Djordjıo Napolıtano oǵan 2013 jylǵy 24-24 qańtardaǵy saılaýdan keıin qalyptasqan daǵdarys jaǵdaıyna núkte qoıý úshin mınıstrler kabınetin basqarýdy usynǵan. Onda birde-bir partııa úkimet qalyptastyrý úshin jetkilikti daýys jınaı almady.
Rentsı men jańa mınıstrler kabıneti 2014 jylǵy 22 aqpanda ant qabyldaıdy dep kútilýde.
