Italııada jańa oqý jyly mektep oqýshylarynyń narazylyq aktsııasymen bastaldy
ASTANA. Qyrkúıektiń 13-i. QazAqparat - Búgin Italııanyń 100 qalasynyń oqýshylary bıylǵy jańa oqý jylyn memlekettik mektepterdi qarjylandyrýdyń qysqartylýyna qarsy narazylyq aktsııasymen bastady, dep habarlaıdy Vestı.Rý.
«Oqýshylar úndeý paraqshalaryn taratty, sondaı-aq «bilim mınıstri Marıastella Djelmını men qarjy mınıstri Djýlıo Tremontıdiń saıasatynan qıraǵan mektep synyqtarynan qorǵaný úshin» bastaryna sımvoldyq maqsatta sary tústi kaskalar kıip aldy», - dep habarlaıdy «Oqýshylar odaǵy» men «Stýdentter jelisi» uıymdarynyń ókilderi.
Sondaı-aq, jalpyulttyq ereýil ótkiziletin kúni merzimi de búgin naqtylanatyn bolady.
Búgingi ótkizilip jatqan aktsııa - oqytýshylar men tómengi jáne orta mektep oqýshylary qozǵalysynyń ótken jylǵy memlekettik bilim berý mekemelerin qarjylandyrýdy qysqartýdy kózdeıtin mektep reformasyna qarsy uıymdastyrylǵan narazylyqtyń jalǵasy retinde baǵalanyp otyr. Bilim mınıstri Marıastella Djelmınıge «memlekettik bilim berý júıesin zańdy jolmen qurtýshy» degen aıyp taǵylýda.
