Italııada zeınetkerlik jas tómendetildi
ASTANA. QazAqparat - Italııa prezıdenti Serdjo Mattarella zeınetkerlik jasty tómendetý týraly zańǵa qol qoıdy. Bul týraly dúısenbi kúni ANSA agenttigi habarlady.
Qazir Italııada 67 jasta zeınetkerlikke shyǵady. Úkimet egde jastaǵy adamdar qanshalyqty zeınetke erterek shyqsa, eldegi jumyssyz júrgen jastarǵa jumys oryndary kóbirek ashylady dep esepteıdi. Reforma eńbek ótili jetkilikti ıtalııalyqtarǵa 62 jastan bastap zeınetke shyǵýǵa múmkindik beredi. Bul 29 jasqa tolmaı turyp jumys isteýdi bastaǵandardyń barlyǵyna qatysty.
Jyl sońyna deıin bul reformany júzege asyrý úshin 4 mlrd eýro, 2020 jyly 8 mlrd eýrodan astam qarjy jumsalmaq.
