Italııada vırýstyń taralýy báseńdeı bastady - Le Figaro
NUR-SULTAN. QazAqparat - Sońǵy eki aptada Eýropa boıynsha Italııada koronavırýstyń taralýy jyldam órship jatyr. Italııa halqy pandemııanyń sharyqtaý shegin kútýde. Sebebi odan keıin jadaı ońalady degen úmit bar, dep jazady Le Figaro.
«Italııada jalpyulttyq karantın jarııalanǵannan keıin 20 kún ótken soń Densaýlyq saqtaý mınıstriniń orynbasary Italııada koronavırýs pandemııasy 7-10 kúnnen keıin sharyqtaý shegine jetedi dep málimdedi. Al Densaýlyq ınstıtýtynyń dırektory Sılvıo Brýsaferronyń aıtýynsha, Italııada koronavırýs juqtyrǵandar sany azaımaǵanymen, vırýstyń báseńdeýi baıqalady. Degenmen, bul jaǵdaıdy saqtap qalý úshin karantın men oqshaýlaný tártibin báseńdetip almaý kerek» dep jazady basylym.
Mamandardyń aıtýynsha, Italııada 19-29 naýryz aralyǵynda kúnine 5-6 myń adamnyń vırýs juqtyrǵany anyqtalyp otyrsa, 30-31 naýryzda bul kórsetkish kúnine 4-5 myń adamdy qurady.
«Lombardııadaǵy ınfektsııa oshaǵy sanalatyn Kodogo men Bergamoda, ıaǵnı, alǵashqy ınfektsııa oshaǵynda jedel járdem kómegine júginý eki ese azaıdy. Mamandardyń aıtýynsha, qabyldanǵan sheshimder 38 myń adamnyń óliminiń aldyn alǵan» dep jazady avtor.
