Italııada úı sypyrýshy 10 myń eýronyń zamanaýı óner týyndysyn qoqysqa laqtyrǵan
ASTANA. QazAqparat - Italıandyq Barı qalasynda úı sypyrýshy áıel zamanaýı óner kórmesine arnalǵan eksponattardy abaısyzda qoqysqa laqtyrǵan.
Úı sypyrýshy óner týyndylaryn qoqys eken dep, ony jınaýmen jáne suryptaýmen aınalysatyn qalalyq sanıtarlyq qyzmet qyzmetkerlerine bergen. Laqtyrylǵan jumystar qaǵazdan jáne kartonnan jasalǵan. Shyǵarmalardyń biri edenge shashylyp jatqan pechene túrinde bolǵan.
Laqtyrylǵan jumystar qalaı atalǵany, avtory kim ekeni habarlanbaǵan.
Osy úı sypyrýshy jumys isteıtin kompanııanyń basshysy bul óner týyndylarynyń quny shamamen 10 myń eýro turatynyn aıtty. Kompanııa keltirilgen zalaldy óziniń saqtyq qorynan óteıdi, dep habarlady Lenta.ru.
Display Mediating Landscape kórmesi 19 aqpanda keshke Italııanyń ońtústigindegi Barı qalasynda Murat qonaqúıiniń hollynda ashyldy. Onyń qansha ýaqytqa sozylatyny belgisiz.
2001 jyly London galereıasynda da Demıen Herstiniń shyǵarmalarymen de osyndaı oqıǵa oryn alǵan bolatyn. Las kofe shynyaıaqtarynan, kúlden, bos syra bótelkelerinen jáne ýmajdalǵan gazetterden jasalǵan shyǵarmanyń ázirlemesin mekeme úı sypyrýshylary baıqamaı dalaǵa shyǵaryp tastaǵan bolatyn.
