Italııada úskirik aıaz kóptegen qolaısyzdyqtar týdyrdy
ASTANA. QazAqparat - Qardyń ádettegiden mol kólemde túsýi men úskirik aıaz Italııanyń ortalyǵy men ońtústik bóliginde kóptegen qolaısyzdyqtar týdyrdy. Ondaǵy Abrýtstso óńirinde 300 myńǵa jýyq adam jaryqsyz qaldy, dep jazady utro.ru.
Aýa raıynyń qolaısyzdyǵynan Adrıatıka teńiziniń jaǵalaýyndaǵy óńirler qatty zardap shegip otyr. Onda qalyń qar men aýa temperatýrasynyń shekten tys tómendeýine baılanysty mektepter men joldar jabylyp, elektr qýatyn taratý jelileri úzilip jatyr.
Abrýtstsoda aýa raıynyń saldarymen kúreske áskerı adamdar jumyldyryldy. Qazirgi tańda onda jınalyp qalǵan qardyń qalyńdyǵy 1 metrden asady.
Apýlııa óńiriniń ońtústik aýmaǵynda sýyqtan bir adam mer bolǵan. 67 jasar azamat óziniń kóliginde qatyp qalǵan.
Aýa raıy boljamdary boıynsha, qar men úskirik aıaz Appenın aımaǵynda keminde beısenbige deıin jalǵasady.
