Italııada úkimettiń jańa quramy jasaqtalady

ASTANA. QazAqparat – Italııanyń jańa úkimeti senbi kúni ant qabyldaıdy. Parlament saılaýynda jeńiske jetken «Italııa baýyrlary» ýltraońshyl partııasynyń lıderi Djordja Melonı mınıstrler kabınetin jasaqtaý mandatyna ıe boldy, dep habarlaıdy QazAqparat Euronews.com saıtyna silteme jasap.

Djordja Melonıdiń málimetinshe, Evroparlamenttiń burynǵy basshysy, Sılvıo Berlýskonıdiń «Alǵa, Italııa» partııasynyń vıtse-tóraǵasy Antonıo Taıanı Syrtqy ister mınıstrligin basqarady. Al «Lıga» partııasynyń kóshbasshysy Matteo Salvını ınfraqurylym jáne kólik mınıstri bolady. Eýropalyq yqpaldastyq máseleleri jónindegi mınıstr portfeli eýrodepýtat, konservator Raffael Fıttoǵa buıyrdy.

Djordja Melonıdiń úkimet basshysy laýazymyndaǵy jumysy energetıkadaǵy daǵdarys pen ınflıatsııaǵa qatysty kóptegen qıyndyqtarmen ushtasatyn bolady. Eldiń bıýdjettik defıtsıti JІÓ 150% jetti. Bul Eýropalyq odaqtaǵy eń úlken kórsetkishterdiń biri.

D.Melonı jetekshilik etetin «Italııa baýyrlary» partııasy resmı málimetterge sáıkes, saılaýshylardyń tórtten bir daýysyna ıe boldy.

Foto: euronews.com