Italııada týrıster mingen avtobýs aýdaryldy: Japa shekkender ishinde QR azamattary bar
NUR-SULTAN. QazAqparat - Búgin Italııanyń Sıena provıntsııasynda sheteldik týrıster bar avtobýs aýdaryldy. Kólik apatynyń saldarynan bir adam qaıtys boldy, shamamen on adam túrli jaraqattar aldy, dep habarlaıdy QR SІM baspasóz qyzmeti.
«Barlyq zardap shekkender jergilikti aýrýhanalarǵa jetkizildi, tórteýi aýyr jaǵdaıda. Aldyn ala derekter boıynsha, apatta zardap shekkenderdiń arasynda qazaqstandyq azamattar bar» delingen habarlamada.
Málimetke saı, qazaqstandyq konsýl Rım qalasynan oqıǵa bolǵan Sıena provıntsııasyna jolǵa shyqty. Tolyǵyraq aqparat oqıǵanyń barlyq mán-jaıyn anyqtaǵannan keıin beriledi.
