Italııada tolyǵymen jasandy ıntellekt arqyly jazylǵan alǵashqy gazet jaryqqa shyqty
ASTANA. KAZINFORM - Italıandyq Il Foglio gazetiniń tolyǵymen jasandy ıntellekt arqyly jazylǵan alǵashqy basylymy shyqty, dep jazady The Guardian.
Jasandy ıntellekt barlyq maqalalardy, taqyryptardy jazǵan, tipti sarkazm aralas pikirlerdi qosqan.
Il Foglio gazetiniń bas redaktory Klaýdıo Cherasa basylymnyń jasandy ıntellekt tehnologııalary zamanaýı jýrnalıstıkany qalaı ózgertetinin kórsetý úshin tájirıbe jasaýǵa nıettengenin aıtty.
«Bul - tolyǵymen jasandy ıntellekt arqyly jasalǵan álemdegi birinshi kúndelikti gazet: maqalalar men taqyryptardan dáıeksózder men pikirlerge deıin», - dedi Cherasa.
Il Foglio-nyń jasandy ıntellekt arqyly jazylǵan arnaıy shyǵarylymy 18 naýryzda jaryq kórdi. Ol tórt betten turady jáne baspa túrinde de, onlaın rejıminde de qol jetimdi.
Redaktor bul jobada jýrnalıster jasandy ıntellektke suraq qoıyp, jaýaptaryn tekserýmen shekteletinin aıtty.
Ol neırondyq jeli grammatıkalyq qatesiz, qarapaıym jáne túsinikti maqalalar jazǵanyn jetkizdi. Materıaldarda adamdardyń tikeleı dáıeksózderi joq
Dástúrli jýrnalıstıkaǵa qaraǵanda bul nómirde jeke pikir, tereń taldaý, suhbattar berilmegen.
Cherasa eksperıment jasandy ıntellekt jańalyqtar jasaý protsesine qalaı sáıkes keletinin túsinýge kómektesedi dep sanaıdy.
Eske sala keteıik, Alem.ai halyqaralyq jasandy ıntellekt ortalyǵy bıyl ashylady.