Italııada «Táýelsizdik dáýiri» kitabynyń tusaýkeseri ótti
Іs-sharany Nursultan Nazarbaev Qorynyń qoldaýymen Qazaqstannyń Italııadaǵy Elshiligi uıymdastyrdy.
Elshi Erbolat Sembaev óz sózinde kitaptyń táýelsiz jas eldiń qalyptasýy týraly mańyzdy faktilerdi ashatynyn jáne Nursultan Nazarbaevtyń jumys dápterleri men muraǵattarynda saqtalǵan Tuńǵysh Prezıdenttiń jeke tájirıbesi men baqylaýlaryna negizdelgenin atap ótti.
Dıplomat 2017 jylǵy jeltoqsanda jaryqqa shyqqan kitapty ıtalıan tiline aýdarýdyń mańyzdylyǵyn atap ótti, óıtkeni búginde Italııa Qazaqstan ekonomıkasynyń jetekshi ınvestorlarynyń biri bolyp tabylady, sondaı-aq álemde ekinshi jáne Qazaqstannyń negizgi saýda seriktesteriniń tiziminde Eýropalyq odaq elderi arasynda birinshi oryn alady.
«Táýelsizdik dáýiri» damýdyń «qazaqstandyq modeliniń» mánin, onyń evolıýtsııasyn, negizgi qaǵıdattaryn, tetikteri men qozǵaýshy kúshterin tolyq sıpattaıdy. Kitapta sondaı-aq Qazaqstandy jańǵyrtýdyń úsh tolqynynyń máni men mańyzy ashylady, osynyń arqasynda totalıtarlyq júıeni bólshekteý jáne naryqtyq ekonomıka qurý mindetteri sátti sheshildi», – dep atap ótti E. Sembaev.
Sonymen qatar, Elshi bul jetistikter N. Nazarbaevtyń qoǵamdyq jáne jeke dıplomatııasynyń biregeı úlgisi bolyp tabylatynyn qosty. Kitapta Tuńǵysh Prezıdenttiń ózge memleket basshylarymen resmı jáne beıresmı kezdesýleri týraly aıtylǵan, olardyń árqaısysy Elbasy tulǵasynyń el úshin biregeı tarıhı rólin kórsetedi.
Іs-shara barysynda Nursultan Nazarbaev qorynyń prezentatsııasy ótti, onyń qyzmeti adam kapıtalynyń básekege qabilettiligin arttyrýǵa, daryndy jastardy qoldaýǵa, áleýmettik jobalar men azamattyq bastamalardy damytýǵa baǵyttalǵan.
Іs-sharaǵa qatysýshylarǵa arnaǵan sózinde Qordyń Atqarýshy dırektory Igor Rogov ekonomıkanyń ózindik modelin qalyptastyrý, azamattardyń ómir súrý sapasyn jaqsartýǵa baǵyttalǵan áleýmettik salany reformalaý, sondaı-aq saýatty qurylǵan ultaralyq birliktiń úılesimdi modeli sııaqty tıimdi memlekettiliktiń negizderin birkelki damytý men nyǵaıtýda jasalǵan qazaqstandyq tabystyń formýlasyn atap ótti.
I. Rogov Elbasynyń halyqaralyq strategııalyq bastamalarynyń jetistikterin atap ótip, olardyń arqasynda elimiz álemdik qoǵamdastyqtyń keńinen tanylǵan, tolyqqandy jáne belsendi múshesine aınalǵanyn basa aıtty.
Іs-sharanyń spıkerleri Italııa Depýtattar palatasynyń Kvestory, «Qazaqstan – Italııa» parlamenaralyq dostyq tobynyń tóraǵasy Edmondo Chırıellı, Italııa-Qazaqstan Saýda palatasynyń tóraǵasy Paolo Gırellı, Qazaqstannyń Sıtsılııa óńirindegi Qurmetti konsýly Alessandro Arborıo Mela Dı Sant ' Elııa, «Vision & Global Trends» halyqaralyq jahandyq taldaý ınstıtýtynyń prezıdenti Tıberıo Gratsıanı boldy.
Іs-shara sońynda Elshi kitapty ıtalıan tiline aýdarýdyń arqasynda jergilikti qoǵamdastyq, saıasatkerler, iskerlik jáne qoǵamdyq orta ókilderi, stýdentter damýdyń «qazaqstandyq modeliniń» evolıýtsııasymen tanysyp, Qazaqstannyń jańa tarıhynyń buryn-sońdy belgisiz jańa qyrlaryn jáne eldiń júrip ótken jolyn asha alatynyn atap ótti.
«Táýelsizdik dáýiri» kitabynyń danalary Ortalyq Azııany zertteýmen aınalysatyn ıtalıandyq ǵylymı ortalyqtarǵa, Italııanyń kitaphanalary men joǵary oqý oryndaryna syıǵa tartylady, bul elimizdiń qalyptasý tarıhyn jáne Elbasynyń Qazaqstannyń memlekettiligin nyǵaıtý jónindegi ıdeıalaryn neǵurlym tereń zertteýge múmkindik beredi.
Іs-sharanyń qonaqtary Italııa Parlamentiniń eki palatasynyń depýtattary, sonyń ishinde «Qazaqstan - Italııa» parlamentaralyq dostyq tobynyń músheleri, iskerlik, qoǵamdyq, ǵylymı jáne mádenı toptardyń, ınvestıtsııalyq kompanııalardyń ókilderi, sondaı-aq Italııanyń BAQ ókilderi boldy.
