Italııada syılyq alý úshin orman órtep júrgen órt sóndirýshiler tutqyndaldy
ASTANA. QazAqparat - Italııa polıtsııasy 15 erikti órt sóndirýshilerdi tutqyndady. Olar qosymsha tabys tabý úshin Sıtsılııada qasaqana órt shyǵaryp júrgen, dep habarlaıdy BELTA.
Tergeý jumystarynan soń 2015 jyly bir top órt sóndirýshilerdiń Santa-Kroche-Kamerına aımaǵynda órtti qasaqana uıymdastyryp júrgendigin anyqtady. Budan soń olar oqıǵa ornyna jumysqa shyǵatyn bolǵan. Olar órt sóndirý jumystarynyń 1 saǵaty úshin 10 evro alyp kelgen.
Órt sóndirýshilerdiń aram pıǵyldary basshylyqtyń ózge bólimshelermen salystyrǵanda órt oqıǵalarynyń shekten tys kóp bolatyndyǵyna nazar aýdaryp, istiń mán-jaıyn anyqtaı bastaǵanda belgili bolǵan. Ázirge órt sóndirýshilerge qandaı jaza qoldanylatyny belgisiz, alaıda olar qamaýǵa alynyp, sot sheshimin kútip otyr.
