Italııada sý tasqyny saldarynan 3 adam qaza tapty

ASTANA. KAZINFORM — Italııanyń Valle-d’Aosta óńirinde 6400 adam jaryqsyz qaldy, dep habarlaıdy Anadoly.

Italııanyń soltústiginde nóser saldarynan sý tasqyny bolyp, 3 adam qaıtys boldy.

BAQ aqparatyna sáıkes, Italııanyń soltústik-batysyndaǵy Týrın mańyndaǵy Monteý-da-Po qalashyǵynda 92 jastaǵy er adam sý tasqynynyń kóterilýine baılanysty dalada qalyp, sýǵa batyp ketken.

Vıchentsa qalasyna jaqyn Valdano aýdanynda ákesi men balasy kólikpen sý tasqynynan qashýǵa tyrysqan kezde laı kóshkinine tap bolyp shuńqyrǵa túsip, iz-túzsiz joǵalyp ketken. Italııa órt sóndirý qyzmetiniń X platformasyndaǵy habarlamasynda ákesi men balasynyń máıitteri 18 sáýir kúni tańerteń shuńqyrdan shyǵarylǵany aıtylǵan.

Trento aımaǵyndaǵy San-Martıno aýdanynda qatty jaýyn-shashyn laı kóshkinin týyndatyp, saqtyq sharasy retinde 14 adam evakýatsııalanǵan.

Valle-d’Aosta aımaǵynda qolaısyz aýa raıy jaǵdaılaryna baılanysty 6400 adam elektr qýatynsyz qalǵan.

Týrın ornalasqan Pemont aımaǵynda dabyl deńgeıi eń joǵary «qyzyl» deńgeıden «qyzǵylt sary» deńgeıge tómendetilgen.

Buǵan deıin Italııada eki Qytaı azamaty oqqa ushqany habarlandy.