Italııada reseıliktiń múrdesi salynǵan chemodan tabyldy
ASTANA. QazAqparat - Italııanyń Rımını portynda chemodannan 27 jastaǵy reseılik boıjetkenniń múrdesi tabyldy, dep habarlaıdy RIA Novostı.
Chemodan 25 naýryz kúni Adrıat teńizinen alynǵan. Saýsaq izderi kórsetkendeı, qaza tapqan qyz Reseı azamatshasy bolyp shyqty. Ol birneshe jyl boıy Italııada turyp kelgen.
Polıtseıler onyń denesinen zorlyqpen adam óltirýdiń jáne sýǵa tunshyǵyp ólýdiń belgilerin tappady. Olar áıeldiń múrdesinde qylmystyq izderdiń joqtyǵyn, onyń ólimine ómir súrý jaǵdaıy áser etip, aǵzasynyń álsireýi sebepker bolýy múmkin dep boljaýda.
Italııalyq quqyq qorǵaýshylar bireý deneden qutylǵysy kelip, ony teńizge chemodanǵa salyp laqtyrǵanyn taǵy bir nusqa retinde qarastyrýda.
Rımını prokýratýrasy tergeý júrgizýde. Sońǵy aılarda áıeldiń birneshe ret "anoreksııa" dıagnozymen aýrýhanaǵa túskeni belgili boldy. Ol kóz jumǵan ýaqytta 35 keli bolǵandyǵy habarlanýda.
